Residuos - Poio

Que é un xestor de residuos?
A persoa ou entidade, pública ou privada, rexistrada mediante autorización ou comunicación que realice calquera das operacións que compoñen a xestión dos residuos, sexa ou non o produtor dos mesmos (segundo a Lei 7/2022, do 8 de abril, de residuos e chans contaminados para unha economía circular)

Lista de xestores autorizados

Por que debo contratar un xestor de residuos?
A Lei Lei 7/2022, do 8 de abril, de residuos e chans contaminados para unha economía circular define que o produtor ou outro posuidor inicial de residuos, con obxecto de asegurar o tratamento adecuado dos seus residuos, está obrigado a:
a) Realizar o tratamento dos residuos por el mesmo.
b) Encargar o tratamento dos seus residuos a un negociante, ou a unha entidade ou empresa, todos eles rexistrados conforme ao establecido esta Lei.
c) Entregar os residuos a unha entidade pública ou privada de recollida de residuos, incluídas as entidades de economía social, para o seu tratamento.

Ver Lei

Como podo saber se os meus residuos son considerados como perigosos?
Considéranse residuos perigosos aqueles que figuren na lista europea de residuos, publicada na Lei 7/2022, de 8 de abril, así como os recipientes e envases que os contiveran.

Lista Europea de residuos

Servizo de Recollida de Voluminosos

Atención de 09:00 a 13:00. Tlfs. 986 771 185- 638 881 267

Punto Limpo Móbil

https://www.concellopoio.gal/index.php/punto-limpo-mobil

Contenedores de Aceite

· San Salvador de Poio: Urbanización Casal de Ferreirós

· San Salvador de Poio: Avda. Porteliña 11

· Campelo: Praza da Granxa con Rúa Pedro Souto Couselo 5

· San Xoán de Poio: Explanada da Seca, recinto feiral

· San Xoán de Poio: Avda. de San Xoán 10 (Ao lado da marquesiña do bus)

· Combarro: Paseo Marítimo de Combarro (Próximo zona verde / parque infantil)

· Samieira: Estrada PO 303, no entorno da praza Alfredo Romay

· Raxó: Rúa Leopoldo Novoa (Proximidades parque infantil)

Composteiros

Moita da materia orgánica que botamos ao lixo ao final do día, por exemplo os restos de alimentos, podemos transformala en compost ou, o que é o mesmo, nun fertilizante natural. Con cada 100 quilos de este tipo de lixo obtéñense entre 20 e 25 quilos de compost.

Este é un proceso limpo, ecolóxico, que non produce cheiros, para isto o máis recomendable é dispor dun colector específico para a compostaxe (ou mesmo utilizar algún comunitario). Non necesitarás facer gasto en mantemento, pois non require dun motor ou de algún outro tipo de mecanismo.

Tendo en conta que o lixo que xeran os fogares contén entre o 40 e o 50% de materia orgánica e que esta se pode transformar en abono, as vantaxes do uso dos composteiros son enormes, tanto para o medio ambiente en xeral como, para o particular e para o Concello de Poio. Reducindo entre todos o volume do lixo evitaremos ter que pagar pola incineración do mesmo, o que suporía un importante aforro económico en beneficio de todos e todas.

O Concello de Poio pon a disposición dos veciños e veciñas composteiros individuais fáciles de instalar no exterior das vivendas o nos xardíns. Trátase de colectores de 600 litros de capacidade, que veñen acompañados de un pequeno manual de instrucións de como realizar o proceso da compostaxe de xeito correcto.

Asemade xa está a traballar na nosa vila a Mestra Composteira, á que lle podedes consultar as vosas dúbidas no correo electrónico planrevitaliza@concellopoio.gal